Hinduism Mahabharata Index Book 4 Index Previous Next
|
1
[वै] अथापरॊ भीमबलः शरिया जवलन्न; उपाययौ सिंहविलास विक्रमः खजं च दर्वीं च करेण धारयन्न; असिं च कालाङ्गम अकॊशम अव्रणम 2 स सूदरूपः परमेण वर्चसा; रविर यथा लॊकम इमं परभासयन सुकृष्ण वासा गिरिराजसारवान; स मत्स्यराजं समुपेत्य तस्थिवान 3 तं परेक्ष्य राजा वरयन्न उपागतं; ततॊ ऽबरवीज जानपदान समागतान सिंहॊन्नतांसॊ ऽयम अतीव रूपवान; परदृश्यते कॊ नु नरर्षभॊ युवा 4 अदृष्टपूर्वः पुरुषॊ रविर यथा; वितर्कयन नास्य लभामि संपदम तथास्य चित्तं हय अपि संवितर्कयन; नरर्षभस्याद्य न यामि तत्त्वतः 5 ततॊ विराटं समुपेत्य पाण्डवः; सुदीनरूपॊ वचनं महामनाः उवाच सूदॊ ऽसमि नरेन्द्र बल्लवॊ; भजस्व मां वयञ्जन कारम उत्तमम 6 न सूदतां मानद शरद्दधामि ते; सहस्रनेत्र परतिमॊ हि दृश्यसे शरिया च रूपेण च विक्रमेण च; परभासि तातानवरॊ नरेष्व इह 7 नरेन्द्र सूदः परिचारकॊ ऽसमि ते; जानामि सूपान परथमेन केवलान आस्वादिता ये नृपते पुराभवन; युधिष्ठिरेणापि नृपेण सर्वशः 8 बलेन तुल्यश च न विद्यते मया; नियुद्ध शीलश च सदैव पार्थिव गजैश च सिंहैश च समेयिवान अहं; सदा करिष्यामि तवानघ परियम 9 ददामि ते हन्त वरं महानसे; तथा च कुर्याः कुशलं हि भाषसे न चैव मन्ये तव कर्म तत समं; समुद्रनेमिं पृथिवीं तवम अर्हसि 10 यथा हि कामस तव तत तथा कृतं; महानसे तवं भव मे पुरस्कृतः नराश च ये तत्र ममॊचिताः पुरा; भवस्व तेषाम अधिपॊ मया कृतः 11 तथा स भीमॊ विहितॊ महानसे; विराट राज्ञॊ दयितॊ ऽभवद दृढम उवास राजन न च तं पृथग्जनॊ; बुबॊध तत्रानुचरश च कश चन |
1
[vai] athāparo bhīmabalaḥ śriyā jvalann; upāyayau siṃhavilāsa vikramaḥ khajaṃ ca darvīṃ ca kareṇa dhārayann; asiṃ ca kālāṅgam akośam avraṇam 2 sa sūdarūpaḥ parameṇa varcasā; ravir yathā lokam imaṃ prabhāsayan sukṛṣṇa vāsā girirājasāravān; sa matsyarājaṃ samupetya tasthivān 3 taṃ prekṣya rājā varayann upāgataṃ; tato 'bravīj jānapadān samāgatān siṃhonnatāṃso 'yam atīva rūpavān; pradṛśyate ko nu nararṣabho yuvā 4 adṛṣṭapūrvaḥ puruṣo ravir yathā; vitarkayan nāsya labhāmi saṃpadam tathāsya cittaṃ hy api saṃvitarkayan; nararṣabhasyādya na yāmi tattvataḥ 5 tato virāṭaṃ samupetya pāṇḍavaḥ; sudīnarūpo vacanaṃ mahāmanāḥ uvāca sūdo 'smi narendra ballavo; bhajasva māṃ vyañjana kāram uttamam 6 na sūdatāṃ mānada śraddadhāmi te; sahasranetra pratimo hi dṛśyase śriyā ca rūpeṇa ca vikrameṇa ca; prabhāsi tātānavaro nareṣv iha 7 narendra sūdaḥ paricārako 'smi te; jānāmi sūpān prathamena kevalān āsvāditā ye nṛpate purābhavan; yudhiṣṭhireṇāpi nṛpeṇa sarvaśaḥ 8 balena tulyaś ca na vidyate mayā; niyuddha śīlaś ca sadaiva pārthiva gajaiś ca siṃhaiś ca sameyivān ahaṃ; sadā kariṣyāmi tavānagha priyam 9 dadāmi te hanta varaṃ mahānase; tathā ca kuryāḥ kuśalaṃ hi bhāṣase na caiva manye tava karma tat samaṃ; samudranemiṃ pṛthivīṃ tvam arhasi 10 yathā hi kāmas tava tat tathā kṛtaṃ; mahānase tvaṃ bhava me puraskṛtaḥ narāś ca ye tatra mamocitāḥ purā; bhavasva teṣām adhipo mayā kṛtaḥ 11 tathā sa bhīmo vihito mahānase; virāṭa rājño dayito 'bhavad dṛḍham uvāsa rājan na ca taṃ pṛthagjano; bubodha tatrānucaraś ca kaś cana |